Welkom by die blog van Fontainebleau Gemeenskapskerk se Kleingroep-netwerk!
By KOFFIETAFELGESPREK kan jy enige saak aanroer of kommentaar lewer. Dit kan handel oor dinge in die gemeente of in die wye wêreld daarbuite, oor jou eie "issues" of die van die mense naby aan jou. Ek kyk na maniere dat julle self die onderwerpe kan ophala waaroor julle wil gesels.
By BYBELGESPREK sal ek op 'n gereelde basis 'n nuwe Bybelgesprek of riglyne vir 'n byeenkoms publiseer. Vir Maart kyk ons na Joh 14-17. Bespreek by die sel of kleingroep, vra die vrae waarop julle antwoorde soek en vertel van die insigte wat julle ontwikkel het. Vanaf die 2de kwartaal sal ek poog om die tema te laat aansluit by die eredienste van die gemeente - of ten minste die oorhoofse tema
By DEELGESPREK sal ek graag getuienis en verhale van Kleingroepe plaas. Laat waai met julle stories sodat ons dit ook aan die gang kan kry..
By NETGESPREK sal ek opsommings maak van boeke, artikels of gedagtes van my eie publiseer rondom die "issue" van geloofsgemeenskap en die verdieping daarvan. Gesels saam sodat ons bymekaar kan leer. Ek sal dit ook gebruik om materiaal en ander inligting te publiseer of om opsommings te gee van boeke en artikels.
Laat weet waaroor julle wil praat en waaroor julle wil dink. Hou die ruimte dop vir meer en "click" op "comments" om deel te neem aan die gesprek!!
Die blog gaan nie afgerond wees nie, sommer net 'n lekker kuier rondom 'n koppie koffie!
Baie welkom
Johan
